Şimali Koreya lideri Kim Çen In Rusiyanın Uzaq Şərqinə səfərindən qayıtdıqdan sonra ölkənin ali idarəetmə orqanı olan Koreya Fəhlə Partiyası Mərkəzi Komitəsinin Siyasi Bürosunun iclasını keçirib və Rusiya ilə münasibətləri dərinləşdirməyi əmr edib...
Poliqon xəbər verir ki, bu barədə Şimali Koreyanın dövlət xəbər agentliyi məlumat yayıb.
Hesabatda bildirilir ki, Kim Çen In Siyasi Büro görüşü zamanı iki ölkə arasında sıx təmasların və əməkdaşlığın gücləndirilməsinin vacibliyini vurğulayıb, həmçinin Şimali Koreya rəhbərliyinə Rusiya ilə bütün sahələrdə ikitərəfli əlaqələri dərinləşdirmək üçün fəal hərəkət etməyi və onları müəyyən yeni yüksək səviyyəyə çatdırmağı tapşırıb.
İclasda iştirak edən rəsmilər Kimin Rusiyaya səfərinin əhəmiyyətini təhlil edib, liderin xarici siyasət fəaliyyətində əldə etdiyi uğurların praktiki və hərtərəfli tətbiqi üsullarını müzakirə edib və ikitərəfli münasibətlərin inkişafı üçün uzunmüddətli planları təqdim ediblər.
Xüsusilə Siyasi Büro bəyan edib ki, Kimin səfəri Şimali Koreya ilə Rusiya arasında münasibətləri yeni strateji səviyyəyə çıxarıb və qlobal geosiyasi vəziyyətə köklü dəyişikliklər edib.
Rusiyanın Uzaq Şərqinə səfəri zamanı Kim Rusiya prezidenti Vladimir Putinlə görüşüb və müdafiə naziri Sergey Şoyqu ilə hərbi əməkdaşlığın dərinləşdirilməsini müzakirə edib.
Bundan əvvəl “The New York Times” mənbələrə istinadən yazıb ki, Putin Şimali Koreyadan artilleriya mərmiləri və tank əleyhinə raketlər almaq, Kim isə Rusiyadan Şimali Koreyanı peyk və nüvə sualtı qayıqları üçün qabaqcıl texnologiya ilə təmin etməsini, ölkəsi üçün ərzaq yardımı istəyir. Ağ Ev bildirib ki, Şoyqunun iyulda Pxenyana səfəri silah müqaviləsi ilə bağlı müzakirələri əhatə edib.
Həm Moskva, həm də Pxenyan silah satışı ilə bağlı razılaşmaları inkar edir.
Poliqon.info
Digərxəbərlər
Populyar xəbərlər
