Almaniya xarici işlər naziri Berbok: Çinlə sıx iqtisadi əlaqələr Aİ üçün təhlükə yaradır...
Poliqon Bloomberg Agentliyinə istinadən xəbər verir ki, Almaniyanın xarici işlər naziri Annalena Berbok Çinlə sıx iqtisadi əlaqələrin Aİ üçün təhlükə yaratdığını bildirib.
Nazirin sözlərinə görə, Almaniyanın asılılığının azaldılması təkcə Rusiyaya deyil, həm də Çinə münasibətdə zəruri idi. Berbok qeyd edib ki, Çinə qarşı belə bir siyasət Avropaya iqtisadiyyatın müxtəlif sahələrində öz suverenliyini gücləndirməyə kömək edəcək.
Qeyd edək ki, Amerikanın Fox News kanalına verdiyi müsahibədə Almaniyanın xarici işlər naziri Annalena Berbok Çinin dövlət başçısı Si Tsinpini “diktator” adlandlrmışdı. Çin Xarici İşlər Nazirliyinin rəsmi nümayəndəsi Mao Nin isə Berbokun bu açıqlamasını “absurd və təxribatçı” bəyanat olaraq dəyərləndirmişdi.
Poliqon.info