İranın Atom Enerjisi Agentliyinin rəhbəri Məhəmməd İslami ölkəsinin nüvə proqramının hərbi əməliyyat və ya sanksiyalarla aradan qaldırıla bilməyəcəyini və istənilən hücuma "qətiyyətli və dağıdıcı" cavab verəcəklərini bildirib...
Poliqon xəbər verir ki, Al Jazeera televiziyasına danışan sədr İslam ölkəsinin nüvə proqramı ilə bağlı danışıb.
ABŞ-ın təktərəfli sanksiyalarından sonra İranın nüvə anlaşmasındakı öhdəliklərini dayandırdığına işarə edən İslami, “Nüvə anlaşmasındakı öhdəliklərimizin azaldılmasının geri qaytarılması sanksiyaların aradan qaldırılması, ABŞ və digər tərəflərin bu sahədəki öhdəliklərini yerinə yetirməsindən asılıdır", deyib.
Beynəlxalq Atom Enerjisi Agentliyinə (MAQATE) təklif edilən əlavə yoxlama imkanlarından biri olan bəzi obyektlərdəki təhlükəsizlik kameralarının yığışdırıldığını xatırladan İslami tərəflərin razılaşacağı və öhdəliklərini yerinə yetirdiyi təqdirdə kameraların yenidən quraşdırılacağını qeyd edib.
Agentlik rəhbəri İsrailin İranın nüvə obyektlərinə hücumu ilə bağlı təhdidlərə də münasibət bildirib: "Nüvə proqramımız hərbi əməliyyat və ya sanksiyalarla dayandırıla bilməz. İstənilən hücum qətiyyətli və dağıdıcı cavabla qarşılanacaq".
İslami iddia edib ki, İsrail İranın nüvə obyektlərinə hərbi hücum təhdidlərinin "boş" olduğunu bilir və buna gücü çatmır.
Poliqon.info