Ukrayna müdafiə nazirinin müavini Anna Malyar əks-hücumun çox ləng getdiyinə dair iddiaları rədd edib...
Poliqon xəbər verir ki, Ukrayna ordusunun rəsmisi bu barədə Reuters Agentliyinə müsahibəsində bildirib.
Malyar bildirib ki, Ukrayna faktiki olaraq canlı qüvvə və silah baxımından böyük üstünlüyə malik olan düşmənə hücum edərək Rusiyanın hərbi doktrinasına meydan oxuyur.
“Bu irəliləyişi metrlərlə və ya kilometrlərlə ölçmək düzgün deyil. Vacib olan odur ki, hər şeyə rəğmən, biz daha az canlı qüvvə və silahlarımız az olmasına baxmayaraq, irəliləyirik”, deyə Ukrayna müdafiə nazirinin müavini bildirib.
Malyar əməliyyatları sürətləndirmək üçün Qərbin Ukrayna ordusuna hər hansı təzyiqindən xəbərsiz olduğunu da söyləyib və universal “düzgün temp” ideyasına etiraz etdi.
Ukrayna ordusunun rəsmisinin sözlərinə görə, rus qoşunları Ukrayna ordusuna doğru həftədə 400-500 min artilleriya mərmisi atır:
“Bu, Ukraynadan verdiyi qarşılıqdan təxminən 10 dəfə çoxdur”, deyə Anna Malyar vurğulayıb.
Poliqon.info
Digərxəbərlər
Populyar xəbərlər
