Fitch Ratings ABŞ-ın xarici valyutada uzunmüddətli emitentin defolt reytinqini AAA-dan sabit proqnozla AA+-a endirib...
Poliqon xarici mətbuata əsasən xəbər verir ki, bu barədə Fitch Ratings-in hesabatında deyilir.
Reytinqin aşağı salınması növbəti üç ildə fiskal vəziyyətin pisləşməsi, yüksək borc yükü, tənəzzül təhlükəsinin davam etməsi və Federal Ehtiyat Sisteminin (FED) uçot dərəcəsinin artırılması gözləntiləri ilə bağlı olub. Həmçinin azalma amilləri arasında son iki onillikdə idarəolunmanın pisləşməsi də var ki, bunu dövlət borcunun limiti məsələsi ilə bağlı ziddiyyətlər və bu məsələ ilə bağlı son anda qəbul edilən qərarlar göstərir.
Ağ Ev Fitch-in qərarı ilə razılaşmadıqlarını bildirib. “Fitch-in istifadə etdiyi reytinq modeli prezident Trampın dövründə aşağı düşdü, sonra isə prezident Baydenin dövründə öz yerini bərpa etdi. Prezident Baydenin dünyanın istənilən böyük iqtisadiyyatının ən güclü bərpasına nail olduğu bir vaxtda ABŞ-ın reytinqini aşağı salmaq reallığa ziddir”, deyə ABŞ administrasiyasının bəyanatında deyilir..
ABŞ-ın maliyyə naziri Janet Yellen də reytinqin aşağı salınması ilə razılaşmadığını bildirib.
“Fitch Ratings-in bu gün elan etdiyi dəyişiklik özbaşınalıqdır və köhnəlmiş məlumatlara əsaslanır”, deyə Yellen hiddətini ifadə edib.
Poliqon.info