ABŞ Qiymətli Kağızlar və Birja Komissiyası (SEC) “Coinbase”dən “Bitcoin”dən başqa bütün kriptovalyutaların ticarətini dayandırmağı tələb edib...
“Coinbase” rəhbəri: “SEC bitcoin istisna olmaqla, bütün kriptovalyutalarda ticarəti dayandırmağı xahiş etdi”.
Poliqon xəbər verir ki, bu barədə Financial Times nəşri məlumat yayıb.
“Coinbase” CEO-su Brayan Armstronq nəşrə bildirib ki, ABŞ Qiymətli Kağızlar və Birja Komissiyası birjanı məhkəməyə verməzdən əvvəl ondan “Bitcoin” istisna olmaqla, bütün kriptovalyutaların ticarətini dayandırmasını istəyib, lakin o, bundan imtina edib.
Qeyd edək ki, ötən ay ABŞ Qiymətli Kağızlar və Birjalar Komissiyası “Binance” kriptovalyuta birjasını və onun rəhbəri Çanqpenq Zhaonu qiymətli kağızlarla ticarət qaydalarını pozduğuna görə məhkəməyə verib. Ertəsi gün, SEC kriptovalyuta birjası “Coinbase”ə qarşı ittiham irəli sürərək, sonuncunun qeydiyyatdan keçməmiş broker, milli birja və klirinq agentliyi kimi fəaliyyət göstərərək qiymətli kağızlar qanunlarını pozduğunu bəyan edib.
Poliqon.info