Nümayəndələr Palatasının spikeri Kevin Makkarti prezident Co Baydeni ABŞ-ı qaçılmaz defolta sürükləməkdə günahlandırıb...
Birləşmiş Ştatlarda yaxın günlərdə qaçılmaz olaraq defolt baş verəcək və buna Amerika prezidenti Co Bayden günahkardır.
Poliqon xəbər verir ki, bu barədə ABŞ Konqresinin Nümayəndələr Palatasının spikeri Kevin Makkarti özünün “Twitter” səhifəsində yazıb.
“Bayden borc tavanının üzərinə düşəni yerinə yetirdiyini və defoltda günahlandırıla bilməyəcəyini təkid edərək tarixi yenidən yazmağa çalışır. Əslində, o, yüz gündən çox danışıqlar aparmaqdan imtina etdi”, deyə konqresmen yazıb. Həmçinin Makkarti ABŞ-ın 9 gündən sonra defolt elan olunacağını proqnozlaşdırıb.
Bundan əvvəl The Economist nəşri yazmışdı ki, rekord dövlət borcuna görə ABŞ defoltla və ya dövlət xərclərinin kəskin azalması ilə üzləşə bilər. Qəzet qeyd edir ki, hər iki ssenari qlobal iqtisadiyyatı təhdid edir.
Qeyd edək ki, aprel ayında Makkarti ABŞ-ın dövlət borcunun məsuliyyətli hərəkətlərin olmaması səbəbindən partlayacaq bir bomba kimi dəyərləndirmişdi. Onun fikrincə, Co Bayden bu problemi həll etmək üçün heç nə etməyib.
Poliqon.info