Aprelin 19-da Rusiyanın Tula vilayətində naməlum pilotsuz təyyarə düşüb...
Poliqon xəbər verir ki, bu barədə “RİA-Novosti” yerli hakimiyyət orqanlarına istinadən məlumat yayıb.
Bildirilib ki, PUA-nın meşə zolağına düşüb və yerli əhali üçün təhlükə yaratmayıb.
"Naməlum pilotsuz təyyarə Tula vilayətinin Şçekino rayonundakı meşə zolağında aşkar edilib, əhali üçün heç bir təhlükə yoxdur", deyə məlumatda qeyd edilir.
Qeyd edək ki, Şçekino rayonu Moskvadan 200 km məsafədə yerləşir.
Son zamanlar Rusiyada müəmmalı dron hücumları tez-tez baş verir. Bu ay Rusiya mətbuatı partlayıcı ilə yüklənmiş PUA-nın Bryansk ərazisinə düşdüyü barədə məlumat yayıb. Bölgənin Sevski rayonunda hərbi xidmətə çağırış lövhəsinə pilotsuz təyyarənin hücumu barədə də məlumat verilib.
Bu gün səhər məlum olub ki, aprelin 18-də Bryansk vilayətində pilotsuz uçuş aparatı hərbi komissarlığın binasına hücum edib.
Son vaxtlar Tula bölgəsində iki dəfə partlayışlar baş verib. Bundan başqa, Rusiyanın Belqorod şəhərində naməlum dron yanacaqdoldurma məntəqəsinə hücum edib.
Poliqon.info