Kosovonun keçmiş prezidenti Haşim Taci Haaqada hərbi cinayətlərə görə mühakimə olunur...
Aprelin 3-də Haaqadakı Xüsusi Məhkəmə də Kosovonun keçmiş prezidenti Haşim Taçiyə qarşı məhkəmə prosesi başladılıb.
Poliqon xəbər verir ki, bu barədə Reuters agentliyi məlumat yayıb.
Taçi və Kosovo Azadlıq Ordusunun digər üç keçmiş yüksək vəzifəli rəhbəri müharibə cinayətləri və insanlığa qarşı cinayətlərdə ittiham olunur. İttihamın on maddəsi 1998-1999-cu illərdə Kosovoda silahlı münaqişə zamanı insanların təqib edilməsi, öldürülməsi, işgəncəsi və oğurlanması ilə bağlıdır.
Təqsirləndirilənlərdən heç biri günahını etiraf etməyib. “Mən ittiham aktını başa düşürəm və tamamilə günahsızam”, deyə Taçi məhkəmədə bildirib.
Məhkəmə prosesi daha iki gün davam edəcək.
Qeyd edək ki, 2020-ci ildə Haaqda Kosovada müharibə cinayətlərinin araşdırılması üzrə məhkəmə Taçinin müharibə cinayətləri, eləcə də 100 qətl və çoxsaylı işgəncə, adam qaçırma və təqiblər də daxil olmaqla insanlığa qarşı cinayətlərdə ittiham edildiyini bildirilib. O, bu ittihamlar qarşısında dərhal istefa verib.
Poliqon.info
Digərxəbərlər
Populyar xəbərlər
