Saturday Night Live şousunun aparıcısı Meqan Markl haqqında kobud şəkildə zarafat edib…
Məşhur Saturday Night Live şousunun aparıcısı Maykl Çe Meqan Marklı III Çarlzın tacqoyma mərasiminə dəvət edilməsi məsələsini canlı şouda ələ salıb.
Poliqon.info xəbər verir ki, bu barədə Ekspress nəşrinin məlumatında bildirilib.
Meqanı lağa qoyan Maykl Çe şousunda belə deyib: “Kral III Çarlzın tacqoyma mərasiminin təşkilatçıları Meqan Marklı rəsmən tacqoyma mərasiminə dəvət ediblər. Və diqqətəlayiq olan budur ki, buna görə saatda Meqana 19 dollar ödəyəcəklər”.
Bundan sonra isə teleaparıcının arxasında Sasseks hersoginyasının qulluqçu forması geyinmiş görüntüsü ekrana çıxıb.
Studiyadakı tamaşaçılar bu zarafatdan sonra gülməyə başlayıblar və verilişə evdə baxan bir çox tamaşaçı isə sosial şəbəkələrdə buna müsbət reaksiya verib.
Bununla belə, bəzi sosial şəbəkə istfadəçiləri zarafatı çox kobud hesab ediblər.
Poliqon.info