Finlandiya XİN: Türkiyənin hərəkətləri NATO-ya üzv olmaq üçün maneədir…
Finlandiyanın xarici işlər naziri Pekka Haavisto bildirib ki, Türkiyənin Finlandiya və İsveç nümayəndələri ilə danışıqları ləğv etməsi bu ölkələrin NATO-ya üzv olmasına mənfi təsir göstərir.
PİA.az xəbər verir ki, bu barədə RİA Novosti Agentliyi məlumat yayıb.
Finlandiya diplomatiyasının rəhbərinin vurğulayıb ki, Ankaranın mövqeyi Helsinki və Stokholmun NATO-ya üzv olmaq üçün müraciətinin ratifikasiyası prosesi ləngidilməsinə gətirib çıxarır. Haavisto həmçinin bildirib ki, hazırda Finlandiyanın Xarici İşlər Nazirliyi isveçli həmkarları ilə birlikdə Ankara ilə danışıqların yeni tarixlərini razılaşdırmağa çalışır.
Qeyd edək ki, bundan əvvəl Türkiyə İsveçin müdafiə naziri Paul Jonssonun yanvarın 27-nə planlaşdırılan səfərini, eləcə də İsveç parlamentinin sədri Andreas Norlenin səfərini ləğv edib. Ankara Stokholmdakı anti-Türkiyə etirazları fonunda səfərlərin öz əhəmiyyətini və mənasını itirdiyini bildirib.
pia.az