Lukaşenko: “Putin və mən planetin ən zərərli insanlarıyıq”

PİA.az Rusiya mətbuatına əsasən xəbər verir ki, Belarus prezidenti Aleksandr Lukaşenko dekabrın 19-da Minskdə Rusiya ilə geniş tərkibdə danışıqların yekunlarına dair birgə mətbuat konfransında deyib ki, o və Rusiya prezidenti “planetin ən zəhərli və zərərli insanlarıdır”.

Belarus prezidenti Putinlə münasibətlərlə bağlı sualı cavablandırarkən ritorik şəkildə deyib:

“Bilirsiniz, biz ikimiz şərikik, bu planetin ən zərərli və zəhərli insanlarıyıq”.

Belarus lideri onu da bildirib ki, Rusiya prezidenti çətin anlarda Belarusdan imtina etməyib: “Çətin anda Vladimir Vladimiroviç bizə köməklik göstərməkdən imtina etmədi”, deyə Belarus prezidenti əlavə edib:

“Rusiya bizsiz idarə edəcək, lakin biz Rusiyasız edə bilmərik”.

pia.az