Fransa XİN: Aİ müşahidəçilərinin Ermənistandakı missiyası uzadılmalıdır

PİA.az xəbər verir ki, belə bir bəyanatla Fransanın xarici işlər naziri Ketrin Kolonna çıxış edib.

Fransanın Avropa və xarici işlər naziri Ketrin Kolonna dekabrın 6-da Milli Assambleyada sual-cavab sessiyası zamanı bəyan edib ki, Aİ-nin Ermənistandakı monitorinq missiyasının mandatının uzadılması zəruridir.

“Sərhəd monitorinqi vasitəsilə bu missiya eskalasiya riskini həqiqətən məhdudlaşdırdı” deyə Kolonna vurğulayıb..

Nazirin sözlərinə görə, Ermənistanla Azərbaycan arasında gərginlik səngimir. Kolonna Fransa və Aİ-nin Ermənistana dəstəyini təsdiqləyib və regionda sülhün bərqərar olması üçün daim səy göstərəcəyini də vəd edib.

pia.az