Cem Yılmaz “Erşan Kuneri” serialında spirtli içki və siqaretə təşviq etdiyi üçün haqqında açılan cinayət işinə reaksiya bildirib...
PİA.az-ın Türkiyə mətbuatına istinadən verdiyi xəbərə görə, Narkomaniya və Siqaretlə Mübarizə Dərnəyi Cem Yılmazın “Erşan Kuneri” serialında alkoqol və siqaretə təşviq etdiyi səbəbilə cinayət işi qaldırıb. Məşhur komediya ustası isə sosial media hesabında bu məsələyə münasibət bildirib.
Cem Yılmaz paylaşımında deyir:
“Min dənə dərd var, amma mən yenə vəzifəmi yerinə yetirəcəyəm (!). Bir dərnək - 25 ildir etdiyi kimi - məni filmimlə bağlı prokurorluğa şikayət edib! İddiaya görə, mən siqaret kartellərindən pul alıb, filmlərdə siqaret çəkirmişəm. Ey dərnək, səni ciddiyyətə dəvət edirəm! Amma özün bilərsən”.
İstanbul Respublika Baş Prokurorluğuna verilən ərizədə deyilir: “Şübhəlinin film platformasında yayımlanan “Erşan Kuneri” serialının, demək olar ki, hər səhnəsində spirtli içki və siqaretə təşviq edən hərəkətlər etdiyi aydındır və onun sövdələşmə yolu ilə siqaret və spirt kartellərindən mənfəət əldə etdiyi güman edilir”.
pia.az
Digərxəbərlər
Populyar xəbərlər
