Azərbaycan Mətbuat Şurasının sədri Əflatun Amaşov aparıcı Zaur Kamalın müğənni Afşin Azərini efirdən qovmasına münasibət bildirib.
Ə.Amaşov Pravda.az-a açıqlamasında deyib ki, burada söhbət aparıcının efir mədəniyyətindən, peşə-davranış qaydalarından gedir: “Qonaqla belə rəftar etmək olarmı? Studiya təkcə aparıcının deyil, televiziyanındır, eyni zamanda onun auditoriyasınındır, xalqındır, izləyicilərindir. Efir arxasında danışılmış bir məsələni sonradan efirə gətirmək nə dərəcədə uyğundur? Bu, tamaşaçı üçün nə qədər maraqlıdır ki, onun diqqətinə çatdırasan? Bax, bu məqamlar, əlbəttə, qınanmalıdır, burada efir mədəniyyəti prinsipi pozulub. Yoxsa aparıcıya ağır cəza vermək... Məqsəd nədir? Bəlkə həmin müğənnini məşhur etmək? Ya da aparıcı bu vasitə ilə başqa müğənnilərə də mesajlar verir”.
Şura sədri bildirib ki, şou verilişlərin şərtləri rəsmi xəbərlərə nisbətən başqadır: “O ki qaldı Zaur Kamalın necə cəzalandırılmasına, bunun üçün aiddiyyəti orqan var. Bu məsələ ARB televiziyasının rəhbərliyindən asılı olacaq. Görək, rəhbərlik necə münasibət göstərəcək? Müğəninin Cənubi azərbaycanlı olmasının isə heç bir əhəmiyyəti yoxdur. Nə fərqi var? Məsələni müğənnin haradan olmasına bağlamaq lazım deyil. Sabah onun yerində Rusiyada, Avropada yaşayan bir müğənni olar, hətta Asiya xalqlarının nümayəndəsi ola bilər... Bunun heç bir fərqi yoxdur. Əsas məsələ davranış qaydasının, efir mədəniyyətinin pozulmasıdır”.
pia.az
Digərxəbərlər
Populyar xəbərlər
