Rusiya ordusu bu gün Ukraynanın Xarkov vilayətinin İzyum şəhəri üzərində nəzarəti ələ keçiriblər. Şəhər yerli satqınların hərəkətləri işğalçılar tərəfindən tam blokadaya alınıb.
“Report” xəbər verir ki, bu barədə “RBC-Ukraina” İzyum Şəhər Şurasının departament rəhbəri Maksim Strelnikə istinadən xəbər verir.
Onun sözlərinə görə, martın 26-da yerli satqınlar Rusiya hərbçiləri şəhərin cənub hissəsinə aparıblar. Bu, İzyuma humanitar yardımın çatdırılması yolunun tamamilə blokadaya alınmasına və qəsəbə sakinlərinin təxliyyəsinin mümkünsüzlüyünə gətirib çıxarıb.
“Həmçinin düşmən də bu vəziyyətdən istifadə edərək İzyumu tutmağa başlayıb. Belə bir təhlükəni nəzərə alan Ukrayna Silahlı Qüvvələri şəhərin blokadadan çıxarmaq üçün hərbi tədbirlər həyata keçirib”, - o deyib.
“Təəssüf ki, Rusiya işğalçılarının say üstünlüyü və yerli satqınların satqınlığı aprelin 1-də İzyum üzərində müvəqqəti düşmən nəzarətinin yaradılmasına gətirib çıxardı”, - Strelnik qeyd edib.
O vurğulayıb ki, şəhər uğrunda döyüş hələ başa çatmayıb və Ukrayna ordusu tezliklə şəhəri işğalçılardan azad edəcək.
pia.az
Digərxəbərlər
Populyar xəbərlər
