Xarici İşlər Nazirliyində struktur dəyişikliyi edilib - Yenilənib

Xarici İşlər Nazirliyinin (XİN) kollegiyasının 25 aprel 2021-ci il tarixli qərarı ilə nazirlikdə Təşkilat-nəzarət idarəsi adlı yeni struktur bölməsi yaradılıb.

Bu barədə PİA.az-a XİN-in Mətbuat xidməti idarəsinin rəisi Leyla Abdullayeva bildirib.

XİN rəsmisi qeyd edib ki, hazırda bu struktur bölməsinin tərkibinin komplektləşdirilməsi gedir.

***

Xarici İşlər Nazirliyində (XİN) yeni idarə yaradılıb.

Nazirlikdə aparılan struktur islahatları çərçivəsində Təşkilat-nəzarət idarəsi təsis olunub.

Yeni idarənin fəaliyyətinə nəzarəti xarici işlər naziri Ceyhun Bayramov həyata keçirəcək.

Əvvəllər C.Bayramovun kurasiyasında olan Azərbaycan Respublikasının Beynəlxalq inkişafa yardım idarəsinə (Agentlik) nəzarət isə nazir müavini Fariz Rzayevə tapşırılıb.

Nazirin digər müavini Mahmud Məmməd-Quliyevin kurasiyasında olan İnsan hüquqları və demokratiya idarəsi ləğv edilərək onun əsasında Beynəlxalq insan hüquqları təsisatları ilə əməkdaşlıq idarəsi yaradılıb.

pia.az