İsrail parlamentində basırıq...

İsraildə martın 23-də keçirilmiş növbədənkənar parlament seçkisi qanunverici orqana 13 siyasi qüvvənin düşməsi ilə nəticələnir.

Novator.az xəbər verir ki, ilkin hesablamaya görə, baş nazir Benyamin Netanyahunun Likud Partiyası 120 nəfərlik parlamentə 30 mandat əldə edir. Digər siyasi qüvvələr 5-17 arası yer götürür.

Hökumət qurmaq üçün 61 mandat lazımdır.

2019-cu il aprelin 9-da və sentyabrın 17-də keçirilmiş seçkilərdən sonra hökumət qurmaq mümkün olmayıb.

2020-ci il martın 2-də keçirilmiş parlament seçkisində Likud Partiyası ilə Beni Qantsın liderlik etdiyi müxalif blok önə çıxıb. Mayın 17-də Benyamin Netanyahu ilə Beni Qants hökumət formalaşdırıblar. Ancaq 2021-ci ilin büdcəsini qəbul edə bilmədiyi üçün dekabrın 23-də parlament buraxılıb.

1949-cu il təvəllüdlü Benyamin Netanyahu 2009-cu ildən baş nazirdir. O, 1996-1999-cu illərdə də hökumətə rəhbərlik edib.

pia.az