Mahmud Məmmədov bankından ötən il nə qədər qazanıb?

“Günay Bank” 2020 ci ilin sonunda 408 min manat mənfəət əldə edib. Sözügedən bank xalis mənfəət renkinqinə görə xeyli geriləyib. Bankın səhmdarı Mahmud Məmmədovun 18 illik bank təcrübəsi isə “Günay Bank”ın daha da qazanc əldə etməsinə köməklik göstərə bilməyib.

Valyuta.Az bankın göstəricilərinə istinadən xəbər verir ki, 2020-ci ilin yekununda 408 min manat mənfəət əldə edən “Günay Bank”ın cəmi aktivlərə görə (ROA) faiz gəlirliyi 0,17% təşkil edib. Yəni, bank 239 milyon manatın qarşılığında cəmi 0,17% gəlir əldə edib. 

Xatırladaq ki, Azərbaycan banklarında yerləşdirilən əmanətlər ən azı 8%-dən başlayır. Avropa ölkələrində isə bu rəqəm 1%-dən başlayır. Yəni Mahmud Məmmədov əldə olan vəsaiti yerli və ya avropa banklarında əmanət olaraq yerləşdirsəydi, daha artıq gəlir əldə edə bilərdi.

Məmmədovun bankdakı səhmləri 52,13% olduğuna görə o bu gəlirdən cəmi 212 min manat və ya 0,08% əldə edib.

“Günay Bank”ın kapitala görə əldə etdiyi faiz gəlirliyi də 1%-i ötə bilməyib. Belə ki, bankın kapitala görə əldə etdiyi gəlir (ROE) 65 mln. manat və ya 0,62% olub. Burada isə M.Məmmədovun gəliri 0,32% təşkil edib.

“Günay Bank”ın səhmdarlarını təqdim edirik:

52,13% – Mahmud Məmmədov
40,05% – Yeganə Şirinova
2,67% – Günay İldırımzadə
2,31% – Xanım Məmmədova
1,12% – Samir Cəfərov
1,10% – Mahir Xəlilov
0,63% – Əhməd Mehribani (Fransa)

pia.az