Fazil Məmmədovun köməkçisi axtarışa verildi

Hüquq mühafizə orqanlarının Azərbaycana gəlib ifadə verməsi ilə bağlı tələbini pozaraq Londonda gizlənən Qafar Qurbanov köməkçisini çətin vəziyyətə salıb.

Adı Vergilər naziri Fazil Məmmədovun pullarını ofşorlara daşımaqda hallanan Qafar Qurbanovun öz tapşırıqlarını verdiyi güvənilən adamı köməkçisi Səbinə Şükürovadır. (indiki familiyası Sabina Derdiyok)

Səbinə Şükürova Qafar Qurbanovun köməkçisi olmaqla yanaşı Ataholdinqin əməkdaşıdır. Əgər Qafar Qurbanov Azərbaycana gəlməzsə Səbinə Şükürovanın istintaqa cəlb ediləcəyi gözlənilir.

Hal-hazırda Atabankın rəhbərliyi və şöbə müdirləri dindirilir.

"Atabank”ın bağlanması bir çox suallar yaradıb. Ölkənin ən tanınmış banklarından olan "Atabank”ın pullarının qeybə çəkilməsi isə daha böyük müəmmadır.

Məlumata görə kripto-nun çözülməsi üçün bir nəfərin istintaqa cəlb edilməsi olduqca vacibdir.

Bu şəxs əslən Şəmkirin Dəllərcəyir kəndindən olan Qafar Qurbanovdur.

Qafar Qurbanov uzun illər keçmiş Vergilər Naziri Fazil Məmmədovun ən inanılmış adamı və sirr boxçası olmuşdur.

Onun qardaşı Samir Qurbanov isə Fazil Məmmədovun şəxsi mühafizəsinə rəhbərlik etmişdir.

Qafar Qurbanov "Atabank" Müşahidə Şurasının üzvü olmuşdur.

Hələ Nazirin köməkçisi olduğu zamanlarda Qafar Qurbanov əslində Bakıda kölgə vergilər naziri kimi dəbdəbəli həyat sürürdü.

Böyük maliyyə vəsaitlərinə birbaşa çıxışı olan Qurbanov 90 AA 041 nömrəli müxtəlif lüks xidməti maşınlara sahib idi.

Nazir köməkçisi olaraq Qurbanovun tez-tez Londona ezamiyyətləri Vergilər nazirliyi əməkdaşlarının geniş müzakirə etdiyi mövzulardandır.

Axı Vergilər Naziri köməkçisinin Londonda nə işi ola bilərdi?

Çox keçmir ki, Qafar Qurbanov və Samir Qurbanov Vergilər Naziri Fazil Məmmədov tərəfindən vəzifələrindən uzaqlaşdırılır.

Fazil Məmmədov elə bir görüntü yaratmaq istəyirdi ki, sanki artıq bu qardaşlarla əlaqəyə malik deyil. Reallıq isə başqa idi. Nazirlə qohumluq əlaqələrinə malik olan Qafar Qurbanov o gün də, bu gün də Nazirin ən yaxın adamıdır.

Sadəcə Fazil Məmmədov illər öncədən özünün Nazir postundan uzaqlaşacağı "qara gün" planını işə salmışdı.

Belə ki, dəyəri milyardla ölçülən vəsait illər öncədən Qafar Qurbanov vasitəsilə Londona ötürülürdü.

Hal-hazırda Qafar və Samir Qurbanovlar Londonda yaşayır. Onların ailə üzvləri Londonun ən bahalı alış-veriş mərkəzi olan Harrods-un daimi müştəriəri arasındadır.

Qafar Qurbanovun London şirkətlərindən biri Triangle LTD-dir.(Sfera.az)

pia.az