“Ermənilər bizim yerlərdə şıllaq atır” – Rəşid Mahmudov

İctimai xadim: “Anası erməni olan adamı ekspert kimi verilişə çağırıb vətənpərvərlikdən danışırlar”...

Xəbər verdiyimiz kimi düşmən dünəndən cəbhənin Tovuz rayonu istiqamətində təxribata cəhd edib. Ordumuz cavab atəşiylə düşməni geri oturdaraq ağır itkilərə məruz qoyub. Təəssüflər olsun ki, düşmən təxribatının qarşısını alarkən ordumuzun da dörd hərbçisi şəhid olub.

PİA.az xəbər verir ki, tanınmış ictimai xadim, Tibb Universitetinin (ATU) dosenti Rəşid Mahmudov torpaqlarımızı işğaldan azad etməyin vaxtı çatdığını bildirib:

“Allah şəhidlərimizə rəhmət eləsin. Hamısı bizim balalarımızdır, əlbəttə, onlara görə kövrəlirik. Bizdə məmurların arvadları, anaları, qudaları ermənidir. Anası erməni olan adamı ekspert kimi verilişə çağırıb vətənpərvərlikdən danışırlar. Belə bir adam bizim tərəfimizi saxlayarmı? Torpaqlarımızı işğaldan azad etməliyik, ermənilər bizim yerlərdə şıllaq atır və açıq-aşkar deyirlər ki, danışıqlar yoluyla sizə torpaq verməyəcəyik. Biz nəyi gözləyirik, bilmirəm. Xalqa anektod danışmaqla iş olmur. Ölkənin Eldar Mahmudovundan tutmuş, digər məmurlarının hamısı “moşennik”di. Ortada da kasıbın balası qırılır. Erməni mənim torpağımı işğal edib və hələ yenə üstümə hücum edir. Belə haqsızlıq heç yerdə görünməyib”. (Moderator.az)