“Rustavi 2” telekanalı Rusiya prezidenti Vladimir Putinin ünvanına təhqiramiz ifadələr işlədən aparıcı Giorgi Qabunianı 2 ay müddətinə efirdən uzaqlaşdırıb
APA-nın Gürcüstan bürosunun xəbərinə görə, bu barədə telekanal məlumat yayıb.
Bildirilib ki, iyulun 7-də yayımlanan proqramı təkrar gözdən keçirən telekanalın özünütənzimləmə orqanı G. Qabunianın 2 ay müddətinə kanalın efirindən uzaqlaşdırılmasına qərar verib.
Bundan başqa, aparıcının telekanalın efirində yayımlanan istənilən proqramda iştirakı da qadağan edilib.
Qeyd edək ki, ötən gecə “Rustavi 2” telekanalının aparıcısı G. Qabunia aparıcısı olduğu verilişdə Rusiya prezidenti Vladimir Putinin ünvanına təhqiramiz ifadələr işlədib. Bundan sonra telekanalın binasının qarşısında etiraz aksiyası keçirilib və yayımının dayandırılması tələb edilib. Aksiya səbəbi ilə baş direktor Nika Qvaramia yayımının dayandırıldığını bəyan edib. Bu gün səhər saat 07:30-də telekanal yayımını bərpa edib.
pia.az