Türkiyənin hakim Ədalət və İnkişaf partiyasının Sakaryadan seçilən millət vəkili Kənan Sofuğlu 3-cü hava limanının açılışı mərasimi üçün maraqlı layihəyə imza atacaq
Deputat motosikletlə F-16 qırıcısına qarşı mübarizə aparacaq və yarışacaq.
Dünya "Supersport" çempionu olan Kənan deyib:
"Dünyanın ən böyük hava limanına yaraşan bir tanıtım həyata keçirəcəyik. F-16 qırıcısı ilə yarışmaq mənim arzumdur".
Plana əsasən, F-16 qırıcısı, sərnişin təyyarəsi, "Formula-1" bolidi, motosiklet və lüks idman avtomobili eyni anda bir-biri ilə yarışacaq.
Kənan bildirib ki, bu günə qədər belə bir yarış dünyada keçirilməyib:
"Dünyanın ən sürətli texnikaları arasında belə bir yarış keçirilməyib. Bunu ilk dəfə etmək istəyirik. Tədbirdən əvvəl sınaqlar olacaq".(ölkə.az)
pia.az