İyuldan əvvəl NATO dövlətləri bloka üzv ölkələrin sərhədləri daxilində hərbi şəxlərin sərbəst hərəkət etməsinə imkan verən "hərbi Şengen" sisteminin yaradılması barədə razılığa gələ bilərlər...
Poliqon xəbər verir ki, bu barədə Britaniyanın The Times qəzeti mənbələrə istinadən məlumat yayıb.
Nəşr qeyd edir ki, Şimali Atlantika Alyansı liderləri uzun illərdir iştirakçı ölkələrin sərhədləri daxilində maneəsiz hərəkətə imkan verən Şengen zonasının hərbi ekvivalentini yaratmağa çalışırlar. Hazırda Avropada bir sıra hərbi dəhlizlərin açılması üçün danışıqlar aparılır. Ehtimal olunur ki, NATO-nun bu ilin iyulunda Vaşinqtonda keçiriləcək növbəti sammitinə qədər müsbət nəticə əldə etmək olar.
Times-in məqaləsində vurğulanır ki, NATO-nun indiki sərhədyanı təlimləri çox vaxt çoxlu sayda bürokratik təsdiq tələb edir və bu, hərbi vəziyyətin gərginləşməsi halında kritik ola bilər. Uzun müddətdir ki, bu problemin aradan qalxması üçün müzakirələr aparılır və müxtəlif versiyalar səslənir. Ən uyğun varinat isə "hərbi Şengen" hesab edilir.
Poliqon.info