“Azərbaycan Respublikası Rəqabət Məcəlləsinin təsdiq edilməsi haqqında” qanun prezident tərəfindən imzalanıb...
İqtisadçı-ekspert: “Rəqabət Məcəlləsinin təsdiqlənməsi çoxdan gözlənilən bir məsələ idi”.
“Rəqabət Məcələsi bu sahədə düzən yaradılması, rəqabətin gücləndirilməsi üçün hüquqi baza yaradır”.
Bu sözləri iqtisadçı-ekspert Natiq Cəfərli Azərbaycanda qəbul olunan Rəqabət Məcələsini Poliqon-a şərh edərkən qeyd edib.
Milli Məclisin dekabrın 8-də keçirilən plenar iclasında qəbul edilmiş “Azərbaycan Respublikası Rəqabət Məcəlləsinin təsdiq edilməsi haqqında” qanun prezident tərəfindən imzalanıb. Bəzi ekspertlər Rəqabət Məcəlləsinin ölkəmizdə rəqabət mühitinin təmin edilməsi və haqsız rəqabətin aradan qaldırılması üçün hüquqi çərçivənin müəyyən edilməsi məqsədilə hazırlandığını deyir.
Həqiqətənmi Rəqabət Məcələsinin qəbulu istehlak bazarında canlanma və iqtisadiyyatda rəqabətin ədalətli şəkildə təmin edilməsinə xidmət edəcək? Azərbaycanda məmur biznesinin həddindən artıq yayıldığını nəzərə alarsaq, bu mümkündürmü?
Mövzunu Poliqon-un əməkdaşı iqtisadçı-ekspert Natiq Cəfərli ilə müzakirə edib.
Natiq Cəfərli: “Hüquqi baza əsasında Azərbaycanda rəqabətsizlik mühinin aradan qaldırılmasının yolları və üsulları həmin məcəllədə öz əksini tapıb”.
Rəqabət Məcəlləsinin daha geniş biznes çevrələrinə çatması üçün təbliğat işlərinin güclənməsinin yaxşı ola biləcəyini vurğulayan ekspert Poliqon-a bildirib ki, qanun rəqabətin gücləndirilməsi üçün hüquqi baza yaradı:
“Rəqabət Məcəlləsinin təsdiqlənməsi çoxdan gözlənilən bir məsələ idi. Bu məsələ uzun illər idiki müzakirə olunurdu, hətta 2008-ci ildən bəri dəfələrlə bu məsələ qalmışdı. Nəhayət ki, Rəqabət Məcələsi qəbul olundu.
Rəqabət Məcələsi bu sahədə düzən yaradılması, rəqabətin gücləndirilməsi üçün hüquqi baza yaradır. Bu hüquqi baza əsasında da Azərbaycanda rəqabətsizlik mühinin aradan qaldırılmasının yolları və üsulları həmin məcəllədə öz əksini tapıb.
İndi çox yaxşı olardı ki, Rəqabət Məcəlləsinin daha geniş biznes çevrələrinə çatması üçün təbliğat işləri güclənsin. Beləliklə də, biznes öz hüquqlarını bilsin”.
Nərminə UMUDLU
Poliqon.info
Digərxəbərlər
Populyar xəbərlər
