2019-cu ildə 3 müqəddəs məkanda quruculuq işləri başlayacaq
Səudiyyə Ərəbistanı 2030-cu il quruculuq layihələri çərçivəsində Məkkəni və müqəddəs məkanları (Ərəfat, Müzdəlifə, Mina) yeniləmə planlarının tədbirlərini tamamlayıb.
2019-cu ildən etibarən əsas quruculuq işlərinə başlanılacağı bildirilib.
Bu barədə Məkkə əmiri şahzadə Xalid əl Faysal ibn Əbdüləziz həcc mövsümünün başa çatması münasibətilə Minadakı əmirlik ofisində təşkil etdiyi mətbuat konfranasında məlumat verib.
Əmir bildirib ki, bu il zəvvarlara xidmət edən əsgər və təhlükəsizlik işçilərinin sayı 250 000-i keçib. Bu müddətdə 32 000 həkim və sağlıq heyəti iş başında olub. Zəvvarlardan 360 000-i Ərəfat ilə Mina arasındakı yolu qatarla, qalanları isə 18 000 avtobusla gedib.
Əmirin sözlərinə görə, 2030-cu ildən bütün ölkənin yenidənqurulması çərçivəsində zəvvar sayının 5 milyona çıxarılmasını hədəflədiklərini deyib. (publika.az)
pia.az