Pop kralına həsr olunmuş bioqrafik filmdə Maykl Ceksonun rolunu onun 26 yaşlı qardaşı oğlu Cəfər canlandıracaq…
PİA.az xəbər verir ki, bu barədə CNN-in çərşənbə axşamı Lionsgate kinostudiyasının buraxılışına istinadla verdiyi məlumatda bildirilib.
Bu məlumatı Cəfər özü də təsdiqləyib və Twitter-də məşhur əmisinin hekayəsini canlandırmağın onun üçün “böyük şərəf” olduğunu yazıb.
Cəfər Maykl Ceksonun qardaşı Cermenin oğludur. Cekson ailəsi baş rol üçün aktyor seçimini bəyənib və Maykl Ceksonun oğlu Prins də onun haqqında müsbət fikirlər səsləndirib.
“Maykl” adlanacaq filmin çəkilişləri bu il baş tutacaq. Filmin ssenarisi üçqat Oskar mükafatıçısı Con Loqan, rejissoru Antuan Fuku, prodüseri isə Qrem Kinq olacaq.
pia.az