ABŞ-ın Rusiyadakı keçmiş səfiri Maykl Makfol Rusiya-Ukrayna müharibəsi ilə bağlı məqalə yazıb…
Əgər gələcəkdə Ukrayna Silahlı Qüvvələri döyüş meydanında uğur qazana bilməsə, o zaman Vaşinqtonun yeni hərbi yardımına ehtiyacı olacaq. Lakin Respublikaçıların nəzarəti altında olan Konqres bundan imtina edə bilər.
PİA.az xəbər verir ki, bu fikri ABŞ-ın Rusiyadakı keçmiş səfiri Maykl Makfol “Foreign Affairs” üçün yazdığı məqalədə bildirib.
Diplomatın sözlərinə görə, Ukraynada hərbi əməliyyatlar Kiyev üçün böyük qələbələr olmadan ilin sonuna qədər davam edərsə, ABŞ prezidenti Co Baydenin administrasiyası Konqresdən yeni hərbi yardımın verilməsini xahiş edəcək.
“Lakin Demokratlar və Respublikaçılar arasında münasibətlər seçki ərəfəsində qızışır və sonuncunun namizədi Donald Tramp Ukraynaya yardımı dəstəkləmir. Ona görə də respublikaçıların təsiri altında olan Konqressdən Kiyev yeni yardım paketi almaya bilər”, deyə Makfol fikrini yekunlaşdırıb.
pia.az