Kanndakı çıxışı mübahisə yaratdı - Türk məşhurlar arasında gərginlik

Xəbər verdiyimiz kimi, türkiyəli aktrisa Merve Dizdar Kann Film Festivalında Nuri Bilge Ceylanın “Kuru otlar üstüne” filmindəki obrazına görə “Ən yaxşı aktrisa” adına layiq görülüb.

Axşam.az xəbər verir ki, aktrisanın çıxışı zamanı səsləndirdiyi fikirlər isə birmənalı qarşılanmayıb. Onun çıxışını tənqid edənlər arasında həmkarları da yer alıb.

Aktyor Tamer Karadağlı Merveni təbrik etsə də, Fransanın Əlcəzairdə törətdiklərini misal gətirərək nitqinin oradakı qız uşaqları üçün də keçərli olub-olmadığını sual edib:

"Ölkənin imkanları ilə edilən bir layihədən mükafat qazanıb sonra da ilk fürsətdə onu pisləmək mənə doğru gəlmir".

Tamerin əksinə aktrisa Demet Özdemir isə Merveyə dəstək olub:

"Qadınların uğur qazanmasını həzm edə bilmirsiniz. Amma sizə pis xəbərim var. Qadınlar uğurludur və olmağa da davam edəcəklər. Alqışlamağı öyrənəcəksiniz".

Qeyd edək ki, Merve çıxışı zamanı "Özünə layiq görülənlərə boyun əyməyən, bunun üçün mübarizə aparan və ümidini itirməyən bütün qadınlar və Türkiyədə gözəl günləri yaşamağı gözləyən mübarizə aparan ruhlara ərmağan edirəm" deyə, bildirib.

Onu da qeyd edək ki, Tamer daha əvvəl aktrisa Nihal Yalçının Altın Portağal Film Festivalındakı çıxışı zamanı bir neçə dəfə saatına baxıb, müxtəlif mimik hərəkətlər edərək, sözlərini bitirmədən mükafatı ona uzatmışdı.

Poliqin.info