Putinin əsas məqsədi Ukrayna deyil. O Qərblə daha böyük bazarlıq etmək istəyir.
APA-nın yerli bürosunun xəbərinə görə, bunu Türkiyə Prezidenti Administrasiyasının sözçüsü İbrahim Kalın CNN Türk kanalına müsahibəsində deyib.
‘Biz Rusiya ilə bu əlaqələri inkişaf etdirmişik. NATO üzvüyük deyə Rusiya ilə bu münasibətimiz olmasın demədik. Bizim də Rusiya ilə razılaşmadığımız məsələlər var. Suriya və ya Liviya məsələsində razılaşa bilmərik, Krımın ilhaqını tanımırıq. Amma bu bizi soyuq müharibəyə aparmadı. Biz bu problemlərin diplomatiya yolu ilə həllinin mümkün olduğunu göstərdik’, - deyə o vurğulayıb.
pia.az