İsrail Müdafiə Qüvvələri (IDF) bildirib ki, son bir neçə gün ərzində Qəzza zolağında Fələstin HƏMAS hərəkatının 600-dən çox hədəfinə zərbələr endirib...
Poliqon xəbər verir ki, bu barədə İsrail ordusunun Telegram kanalında məlumat yayılıb. Məlumatda qeyd edilir ki, zərbələr havadan, dənizdən, həmçinin anklav ərazisinə quru reydləri zamanı endirilib.
“HƏMAS ilə əlaqəli hədəflər, o cümlədən silah anbarları, onlarla tank əleyhinə raket buraxılış məntəqələri, həmçinin yaraqlıların sığınacaqları və əməliyyat bazaları vurulub”, deyə İsrail ordusu bildirib.
İDF-nin məlumatına görə, zərbələrdən biri HƏMAS üzvlərinin cəmləşdiyi yerə endirilib və nəticədə HƏMAS və digər radikal islamçı hərəkatların 20-yə yaxın döyüşçüsü öldürülüb.
Qeyd edək ki, oktyabrın 27-də İsrail Qəzza zolağında quru əməliyyata başladığını elan edib. Oktyabrın 28-də İsrail ordusu Qəzza zolağının şimalında HƏMAS-a məxsus yeraltı tunellər və digər infrastruktur da daxil olmaqla 150 hədəfi vurduğunu bildirib.
Poliqon.info