PİA.AZ xəbər verir ki, Gunxeber.com-a “Salyan Pambıqtəmizləmə qapalı tipli MMC”nin rəhbəri Bahəddin Leysanov haqda şikayət məktubu daxil olub
Salyan və Neftçala sakinləri adından göndərilən məktubda bildirilir ki, B.Leysanov bu iki rayonun ərazilərini zəbt edib və müxtəlif kəndlərin sakinləri onun əməlləri ucbatından bu gün torpaq üzünə həsrətdirlər.
Onların bildirdiyinə görə, B.Leysanov Neftçala və Salyanın torpaqlarını bələdyyələrdən guya icarəyə götürmək adı ilə 99 illiyinə alıb. İmkanlarından istifadə edən Leysanov həmin ərazilərin bir hissəsində biznes obyektləri qurub, çox hissəsi isə hələ də istifadə olunmur. Hansı ki, həmin ərazilər qanunla yerli sakinlər arasında bölünməlidir. Məktubda bildirilir ki, sakinlər onlara çatacaq torpaq sahələrinin qanunsuz olaraq B.Leysanova verilməsi ilə bağlı Salyanın bundan əvvəlki icra başçısı Tahir Kərimova və indiki başçı Sevindik Hətəmova, eləcə də Neftçalanın icra başçısı İsmayıl Vəliyevə müraciət etsələr də, heç bir tədbir görülməyib. Leysanov Salyan və Neftçala sakinlərinin torpalarını mənimsəməkdə davam edir.
Məktub müəllifləri bildiriblər ki, Leysanovun təkcə Neftçalada iki yanacaqdoldurma məntəqəsi var. Eyni zamanda o Neftçala, Salyan, Şirvan, Sabirabad və Biləsuvar Pambıq Zavodlarının səhmlərinin 50 faizinə sahibdir. Həmin zavodlar işləməsə də, B.Leysanov onların faktiki sahiblərindən biridir.
Qanunsuzluqlarla milyonlara sahib olan bu şəxsin işçiləri ilə kobud davrandığı və onları incitdiyi bidirilir. Faktiki olaraq Leysanovun iki rayonu əsarətdə saxladığı qeyd olunur.
Müəlliflər bildirrilər ki, B.Leysanovun qanunsuz yollarla qazandığı pulla hesabına Bakının müxtəlif yerlərdə onlarla mülkü var. Onlardan biri isə Bakının Sabunçu rayonunun Pirşağı qəsəbəsində yerləşir. Keçmiş “Qarabağ” pioner düşərgəsi kimi tanınan əraziyə yaxın yerdə yerləşən bu villanın azı bir neçə yüz min manat qiymətinin olduğu bildirilir. Məktubda qeyd olunur ki, pulu hesabına oğlu Afəddin Leysanovu “QAİ”də yüksək vəzifəyə təyin etdirə bilən B.Leysanov indi oğlunun və onun rəisi olan Mşüşviq Rəhimovun da əli ilə pul qazanır. Oğlu mayor rütbəsində Baş Dövlət Yol Polisi İdarəsinin Qeydiyyat imtahan şöbəsinin inispektoru işləyən B.Leysanov A.Leysanov və M.Rəhimovun vasitəsilə el arasında “zerkalno”nömrələr kimi tanınan nömrələrin küllü-məbləğdə para qarşılığında müxtəlif şəxslərə verilməsi ilə də məşğuldur.
Hər halda onun, oğlunun və M.Rəhimovun bu alverindən Baş Dövlət Yol Polisi İdarəsin rəisi Ramiz Zeynalovun da xəbərsiz olduğu şübhə doğurur. Əgər general xəbərsizdirsə, yəqin ki, bu yazıdan sonra heç olmasa sözügedən məsələ ilə maraqlana bilər.
Qarşı tərəfin mövqeyini dərc etməyə hazırıq.
pia.az