Hindistan Xarici İşlər Nazirliyi Vladimir Zelenskinin G20 sammitinə niyə dəvət edilmədiyini səbini açıqlayıb...
Hindistanın xarici işlər naziri Subramanyam Caişankar Ukrayna prezidenti Vladimir Zelenskinin G20 sammitinə dəvət edilməməsini şərh edərkən deyib ki, G20 Rusiya-Ukrayna nizamlanması ilə məşğul olmamalıdır.
Poliqon xəbər verir ki, bu barədə Rusiyanın RBC nəşri məlumat yayıb.
“Böyük 20-lik nə etmək üçün yaradılıbsa, onu etməlidir və bizim Zelenskini dəvət etməməyimizin səbəbi budur”, deyə Hindistan XİN rəhbəri vurğulayıb.
Cayşankar qeyd edib ki, G20 enerji, gübrə və ərzaq təchizatı problemlərinin müzakirəsi üçün keçirilən sammitdir.
Qeyd edək sentyabrın 9-dan 10-dək Yeni Dehlidə keçiriləcək G20 sammitinə Ukraynanın dəvət olunan ölkələr siyahısına daxil edilməməsi ilə bağlı məlumat avqustun 14-də ortaya çıxıb. Hindistan tərəfinin açıqlamalarına görə, G20 iqtisadi forumdur, geosiyasi müzakirələr üçün platforma deyil.
Avqustun əvvəlində Rusiya prezidentinin mətbuat katibi Dmitri Peskov bəyan edib ki, Kreml G20 sammitində Rusiyanı kimin təmsil edəcəyini hələ bilmir.
Poliqon.info