Çindən ABŞ qoşunlarının Əfqanıstandan çıxarılmasına reaksiya

Çin xarici işlər naziri Van İ heab edir ki, ABŞ qoşunlarını tələsik Əfqanıstandan çıxarandan sonra Birləşmiş Millətlər Təşkilatı (BMT) orada barışıq və sabitliyi təmin edə biləcək.

Bu barədə Çin Xarici İşlər Nazirliyi məlumat yayıb.

“ABŞ əsgərlərinin Əfqanıstandan tələsik çıxarılması bu ölkədəki sülh prosesinə ciddi zərbə vurub. İnanırıq ki, BMT bu vəziyyətdə lazımi rolunu oynaya bilər”, - deyə Van İ pakistanlı həmkarı Şah Mahmud Qureshi ilə telefon danışığında bildirib.

Çinli nazir Şanxay Əməkdaşlıq Təşkilatına üzv ölkələrin Əfqanıstandakı vəziyyətin həllinə diqqətlə yanaşmalı olduğunu vurğulayıb və Pakistanın bu istiqamətdəki səylərini də yüksək qiymətləndirib:

“Pekin və İslamabad strateji dialoqu gücləndirməli və Əfqanıstanda sülhün bərpasında daha fəal rol oynamalıdır”.

14 noyabrda ABŞ Prezidenti Co Bayden Əfqanıstanda ABŞ tarixində ən uzun xarici hərbi kampaniyaya çevrilən əməliyyatı sona çatdırmaq qərarına gəldiyini bildirib. Qoşunların geri çəkilməsinə artıq başlanılıb. ABŞ kontingentinin ölkəni 11 sentyabr tarixinə qədər tərk etməsi gözlənilir. 2010-2013-cü illərdə Əfqanıstanda yerləşdirilən Qərb qüvvələrinin sayı zirvəyə çatıb və 150 ​​min nəfəri keçib. 2014-cü ildə isə Vaşinqton və NATO əsas döyüş birliklərini oradan geri çəkib.

pia.az