BMT-nin Baş katibi Antonio Quterreş İsrailin Qəzzada “Əl-Şifa” mərkəzi xəstəxanası yaxınlığında təcili yardım maşınları karvanına endirdiyi zərbəni şərh edib...
Poliqon xəbər verir ki, BMT rəhbəri baş verənlərdən “dəhşətə gəldiyini” deyib. Quterreşin sözlərinə görə, Qəzzada meyitxanalar doludur, mağazalarda yemək yoxdur, sanitar vəziyyət dəhşətlidir və xəstələnmə halları artmaqdadır.
“Xəstəxananın kənarında küçəyə səpələnmiş cəsədlərin görüntüləri ürək ağrıdır... Artıq bir aya yaxındır ki, Qəzzalı mülki vətəndaşlar, o cümlədən uşaqlar və qadınlar mühasirədədir. Onlar yardımdan məhrum edilir, öldürülür, evləri bombalanır. Bu dayandırılmalıdır. Qəzzada humanitar vəziyyət dəhşətlidir”, deyə Baş katibin bəyanatda bildirib.
Quterreş təsir gücünə malik olanları Qəzzada insanların “əziyyətlərinə son qoymaq” və “bütün bölgəyə yayılan münaqişənin qarşısını almaq” üçünfəaliyyətə çağırıb. O, münaqişə tərəflərini münaqişəyə son qoymağa çağırıb.
BMT-nin Baş katibi açıqlamasında həmçinin HƏMAS-ın İsraildə həyata keçirdiyi terror aktını”, qadınların və uşaqların da daxil olduğu qətlləri, girov götürmələri unutmadığını qeyd edib.
Polqion.info