BMT Baş Assambleyası Fələstin-İsrail münaqişəsi ilə bağlı Misir və Mavritaniyanın təqdim etdiyi qətnamənin qəbuluna səs verib...
Poliqon xəbər verir ki, qətnamədə atəşkəs tələbi var. Bu qətnamənin qəbul edilməsinə Rusiya, İran və Çin də daxil olmaqla 153 dövlət səs verib. İsrail, ABŞ və Avstriya da daxil olmaqla 10 dövlət qətnamənin əleyhinə səs verib.
BMT-nin press-relizində bildirilir ki, atəşkəsə səs verənlər arasında Braziliya, İspaniya, Kuba, Birləşmiş Ərəb Əmirlikləri, Səudiyyə Ərəbistanı, Fransa, İsveçrə və İsveç də var. Böyük Britaniya, Almaniya və Ukrayna da daxil olmaqla 23 dövlət bitərəf qalıb.
İclasda BMT Baş Assambleyası ABŞ və Avstriya tərəfindən edilən düzəlişləri rədd edib. Onlardan birincisi Fələstinin HƏMAS hərəkatının pislənməsini tələb edib, ikincisi girovların HƏMAS və digər qruplaşmalar tərəfindən saxlanılmasına aydınlıq gətirib.
Qəbul edilmiş sənədin əsas məqamları atəşkəs rejiminə dair tələblər və beynəlxalq hüquq normalarına riayət olunmasıdır. Xüsusilə qətnamə bütün girovların azad edilməsini və Qəzza zolağına humanitar yardımın təmin edilməsini tələb edir.
Xatırladaq ki, dekabrın 9-da Birləşmiş Ştatlar BMT Təhlükəsizlik Şurasının iclası zamanı Qəzza zolağında dərhal atəşkəs haqqında qətnaməyə veto qoyub. Birləşmiş Ştatlar BƏƏ nümayəndə heyətinin səsverməyə çıxardığı qətnamənin əleyhinə səs verən yeganə dövlət olub. Digər 13 ölkə, o cümlədən Rusiya, Çin və Fransa lehinə səs verib, Britaniya isə bitərəf qalıb.
Poliqon.info
Digərxəbərlər
Populyar xəbərlər
