Rusiya PUA-ları Bundesver bazaları üzərində ukraynalıların necə təlim keçdiyini izləyir...
Dronlar Bundesverin təlim poliqonları və kazarmaları üzərində uçur, Almaniya hərbçiləri Rusiyadan şübhələnirlər.
Poliqon xəbər verir ki, bu barədə Almaniyanın Bild nəşri məlumat yayıb. Nəşrin məlumatına görə, bu problem yeni deyil, mənşəyi və təyinatı naməlum pilotsuz təyyarələr hələ 2022-ci ilin oktyabrında aşkarlanıb.
Müdafiə eksperti Markus Faber tabloidə bu barədə belə deyib: “Bundesverin ukraynalılara “Leopard 1”də təlim keçdiyi “Klitz” hərbi təlim zonası üzərində mütəmadi olaraq pilotsuz təyyarələr müşahidə edilir. Bəzən digər bazalar üzərində eyni anda bir neçə dron aşkar edilir. Bu, açıq şəkildə təşkil olunub və güman edilir ki, bu dronlar Rusiyaya aiddir”.
Xəbərdə qeyd edilir ki, 15 noyabr 2023-cü ildə Bundesver PUA-larla mübarizə aparmaq üçün işçi qrupu yaradıb.
“Demək olar ki, iki aya yaxın vaxt keçib və hələ də nəzərəçarpacaq nəticə yoxdur. Bir dənə də olsun dron vurulmayıb və tədqiq edilməyib”, deyə nəşr yazır.
Poliqon.info
Digərxəbərlər
Populyar xəbərlər
