Bayden ABŞ-ın İsrailə nə qədər kömək edəcəyini açıqlayıb

Poliqon Ağ Evin "YouTube" kanalına istinadən xəbər verir ki, o, bu barədə Hanukka bayramı münasibətilə keçirilən qəbul zamanı danışıb.

"Biz diqqətli olmalıyıq və onlar da diqqətli olmalıdırlar. Bütün dünyada ictimai rəy bir gecədə dəyişə bilər, biz buna imkan verə bilmərik", deyə ABŞ prezidenti bildirib.

O vurğulayıb ki, Vaşinqton Qəzza zolağındakı girovların xilas edilməsi üçün işləri davam etdirir. Bayden deyib ki, Birləşmiş Ştatlar günahsız fələstinli mülki şəxslərə mümkün qədər çox humanitar yardım göndərməyə də sadiqdir.

Bu arada, Demokrat senator Aleksandriya Okasio-Kortes Birləşmiş Ştatların Qəzza zolağında atəşkəs tələb edən BMT qətnaməsinə veto qoymasından sonra hazırkı dövlət başçısı Co Baydenin administrasiyasını tənqid edib. Onun sözlərinə görə, Ağ Ev artıq insan haqları ilə bağlı narahatlıqları atəşkəs çağırışına veto qoymaqla birləşdirə bilməz.

"Bayden administrasiyası artıq fələstinlilər və insan haqları ilə bağlı ifadə etdiyi narahatlıqları uzlaşdıra bilməz, eyni zamanda BMT-nin atəşkəs çağırışına veto qoyur və bütün ABŞ Konqresinin Qəzza zolağının qərəzsiz bombalanmasını birmənalı şəkildə dəstəkləməsindən yayınır", deyə o, bildirib.

Poliqon.info