Avstraliyalı milyarder “Titanik”in surətini inşa edəcək

Poliqon xəbər verir ki, bu barədə The Guardian nəşri məlumat yayıb.

Palmer hesab edir ki, yeni “Titanik” ona 500 milyonla 1 milyard Avstraliya dolları arasında başa gələcək. Hər şey plana uyğun getsə, gəmi 2027-ci ilin iyununda suya buraxılacaq. Bundan sonra milyarder laynerlə Sauthemptondan Nyu-Yorka ölümcül səfəri təkrar edəcəyinə söz verib. Qeyd edək ki, “Titanik” 1912-ci ildə aysberqlə toqquşma ilə nəticəsində batıb.

70 yaşı tamam olmaq üzrə olan Palmer həyatını boş yerə sərf etdiyinə inanır.

“Ona görə də mən “Titanik”i yenidən inşa etmək istəyirəm. Mən bunu edəcəm. Çünki “Titanik” inşa etmək evdə oturub pul saymaqdan daha əyləncəlidir”, deyə milyarder bildirib.

Xatırladaq ki əvvəllər də milyarder artıq yeni “Titanik” inşa etmək üçün cəhdlər edib. O, bu niyyətini ilk dəfə təxminən on il əvvəl bəyan edib. 2015-ci ildə layihə üzrə işlər podratçı ilə mübahisə səbəbindən dayandırılıb. 2018-ci ildə Palmer tikintini 2022-ci ilə qədər başa çatdıracağına söz versə də, bu baş vermədi. Milyarder gecikmənin səbəbini COVID-19 pandemiyası ilə əlaqələndirib.

Poliqon.info