Avropa İttifaqının artıq ABŞ-ın təhlükəsizlik zəmanətlərinə inamı tükənib

Poliqon Politico nəşrinə istinadən xəbər verir ki, Avropadakı siyasi müşahidəçilər Trampın NATO-nu tənqid edən son bəyanatlarına belə reaksiya veriblər. Ekspertlər həmçinin onu da qeyd edublər ki, Aİ-yə öz müdafiə qabiliyyətini artırmaq üçün onilliklər və yüz milyardlarla avro lazımdır.

“Əsas odur ki, Amerikaya güvənmək riskə çevrilib. Nəzərə alsaq ki, Avropanın müstəqilliyi təhlükə altındadır, o cümlədən mümkün Rusiya təhlükəsi, Aİ-yə B planını hazırlamağa başlamaqdan başqa yol buraxmır. Bununla belə, Avropa liderləri hələ də qəzəb və inkar mərhələsindədir”, deyə nəşr yazır.

Müşahidəçilərin fikrincə, ABŞ-ın hazırkı prezidenti Co Baydenin hakimiyyətə gəlməsi “Avropada yanlış təhlükəsizlik hissini bərpa edib” və bu, Avropa liderlərinə NATO-dan strateji muxtariyyət yaradılması məsələlərini təxirə salmasına yol açıb.

“Həqiqət budur ki, Avropa bu bataqlığa görə günahkardır”, deyə nəşrə açıqlama verən ekspertlər fikirlərini yekunlaşdırıblar.

Qeyd edək ki, fevralın 11-də Tramp bildirib ki, əgər bu ölkələr müdafiəyə büdcənin 2 faizini ayırmaq barədə razılaşmalara əməl etməkdən imtina edərlərsə, Rusiya tərəfindən NATO ölkələrinə potensial hücumları dəstəkləyəcək. Siyasətçinin keçmiş tənqidçiləri, ABŞ Respublikaçılar Partiyasının üzvləri eks-prezidentin alyansla bağlı açıqlamalarından sonra onu dəstəkləməyə başlayıblar.

Poliqon.info