Avropa enerji problemini necə həll edir?..

Avropa İttifaqı səlahiyyətliləri ev təsərrüfatlarının və bizneslərin yükünü yüngülləşdirmək üçün enerji qiymətlərini kompensasiya etmək üçün bir trilyon dollardan çox subsidiya ayırıb.

Poliqon.info xəbər verir ki, bu barədə Financial Times nəşri ekspertlərin fikirlərinə istinadən yazır. Ancaq bu mövcut problemi həll etmir, deyə nəşr vurğulayır.

“Bütün pulları qısamüddətli “anesteziyalara” xərcləyirik və “xəstəliyin” özünü müalicə etmirik. Səlahiyyətlilər, fosil yanacaqlara olan tələbin azaldılmasına və bərpa olunan mənbələrə keçməyə diqqət yetirməlidirlər”, deyə sorğuda iştirak edən ekspertlərdən biri bildirib.

Bazar iştirakçılarının fikrincə, belə böyük xərclərin heç bir mənası yoxdur, çünki problem özlüyündə həll olunmayacaq. Qısa müddətli subsidiyaların təsiri enerji qiymətlərinin daha da artıracaq. Əslində isə səmərəsiz enerji istehlakı problemlərini həll etmək və fosil yanacaqlardan asılılığı azaltmaq lazımdır.

Ekspertlər hesab edirlər ki, enerji səmərəliliyinin artırılması yeni mənbələrə keçid üçün ilk və ən vacib addımlardan biri olacaq.

Poliqon.info