Almaniyanın xarici işlər naziri Annalena Barbok Kiyevə səfər edib...
Poliqon Ukrayna mətbuatına əsasən xəbər verir ki, Almaniya Xarici İşlər Nazirliyi rəhbərinin Ukraynaya bu səfəri barədə əvvəlcədən məlumat verilməyib.
“Ukrayna bizim hamımızın azadlığını böyük cəsarət və qətiyyətlə müdafiə edir” deyə xanım Berbok Kiyevə gələrkən Deutsche Welle nəşrinə bildirib. Onun sözlərinə görə, Ukrayna Almaniyadan “hərtərəfli iqtisadi və humanitar yardıma” arxalana bilər və Almaniya da Ukrayna ordusuna silah və hərbi texnika verməyə davam edəcək.
Eyni zamanda, Annalena Berbok vurğulayıb ki, Ukrayna hakimiyyəti ölkədə genişmiqyaslı iqtisadi və siyasi islahatların aparılması üçün səyləri gücləndirməlidir. Xanım Berbokun Kiyevdəki iş qrafiki açıqlanmır. Xüsusən də onun Ukrayna prezidenti Vladimir Zelenski ilə görüşüb-görüşməyəcəyi məlum deyil.
Qeyd olunur ki, bu, Almaniyanın xarici işlər nazirinin Rusiya hərbi əməliyyatı başlayandan bəri Ukraynaya dördüncü səfəridir. DPA-nın məlumatına görə, o, bu dəfə Polşadan gecə qatarı ilə Kiyevə gəlib. Almaniya Xarici İşlər Nazirliyinin rəhbərini stansiyada Almaniya səfiri Martin Yager qarşılayıb.
Poliqon.info