Almaniyanın müdafiə naziri Pistorius “Leopard” tanklarının Ukraynaya çatdırılma vaxtını açıqlayıb…
Müdafiə naziri Boris Pistorius bildirib ki, ilk “Leopard 2” döyüş tankları Almaniyadan Ukraynaya təxminən üç ay sonra gələcək. Yaxın vaxtlarda isə Ukrayna hərbiçilərinin təlimlərinə başlanılacaq.
PİA.az ARD kanalına istinadən xəbər verir ki, Almaniyanın müdafiə naziri bu barədə çərşənbə günü Bundestaqın Müdafiə Komitəsinin iclasından sonra bildirib.
Siyasətçi qeyd edib ki, indi hərbi təlimlər və təchizat marşrutlarının dəqiqləşdirilməsi ən yüksək templə başlayacaq.
Pistorius tankların verrilməsi qərarını “tarixi” adlandırıb, çünki bu, “Ukraynada çox ağırvəziyyətdə” razılaşdırılıb. Eyni zamanda o, Almaniyanın heç bir halda müharibənin iştirakçısı olmayacağına inandırıb.
pia.az