Bundesverin silahlı qüvvələrin vəziyyəti ilə bağlı illik hesabatında deyilir ki, Almaniya silahlı qüvvələrinin modernləşdirilməsi bu cür ləng templə davam edərsə, 50 ilə qədər vaxt apara bilər...
Poliqon.info xəbər verir ki, bu barədə Financial Times nəşri yazıb. Nəşr qeyd edir ki, Almaniyanın Silahlı Qüvvələr üzrə komissarı Yeva Höql hesabatında ölkədə müdafiə təchizatının ləng aparılması lazımi modernləşdirməyə mane olduğunu bildirib.
Eyni zamanda Yeva Höql kansler Olaf Şolts tərəfindən silahlı qüvvələrin modernləşdirilməsi üçün xüsusi fond yaradılmasını yüksək qiymətləndirib. Söhbət 100 milyard avrodan gedir. Bu vəsait F-35 qırıcılarının, helikopterlərin və döyüş pilotsuz təyyarələrinin alınmasına sərf olunacaq.
Höql 2022-ci ildə ordunun modernlə.dirilməsinə xüsusi fonddan bir sent də gəlmədiyinə təəssüflənib.
Komissarın sözlərinə görə, Ukraynadakı münaqişə və Almaniyanın Kiyev hakimiyyətini silahla təmin etmək qərarı silahlı qüvvələrin təchiz olunması ilə bağlı onsuz da ciddi problemləri daha da gücləndirib. Höql Ukraynaya verilən avadanlığın dəyişdirilməsini tələb edir. Əks halda, komissar iddia edir ki, ordunun əməliyyat hazırlığına düzəlməz ziyan vurulacaq.
Poliqon.info
Digərxəbərlər
Populyar xəbərlər
