Pentaqonun sözçüsü Syuzan Qof ABŞ Milli Kəşfiyyat İdarəsinin keçmiş əməkdaşı Devid Qraşın Vaşinqtonda yerdən kənar mənşəli kosmik gəmilərə (UFO) malik olması ilə bağlı açıqlamalarını təkzib edib.
Poliqon Rusiyanın “Kommersant” qəzetinə istinadən xəbər verir ki, xanım Qofun sözlərinə görə, Pentaqon tərəfindən yerdənkənar obyektlərin saxlanması və ya konstruktiv-texnoloji təhlili ilə bağlı hər hansı dövlət proqramlarının keçmişdə və ya hazırda mövcud olması barədə heç bir təsdiq edilə bilən məlumat tapmayıb.
Qeyd edək ki, dünən Devid Qraş NewsNation nəçrinə açıqlamasında ABŞ Müdafiə Nazirliyinin (Pentaqon) qəzaya uğrayan yadplanetli təyyarələrdən əldə edilən UFO hissələri üzərində silah istehsalı təcrübələri apardığını iddia edib. O bildirib ki, ABŞ təsadüfən Yerə enən UFO-lardan qalan hissələr və avadanlıqların xəzinəsinə sahibdir.
ABŞ-ın “tərs mühəndislik”lə (bir cihazın və ya sistemin quruluşunun, funksiyasının kəşfi) bağlı çox gizli əməliyyatlar apardığını ifadə edən Qraş “Materiallar arasında möhkəm alətlər var” deyib.
2019-2021-ci illərdə Naməlum Hava Hadisələri (UAP) İşçi Qrupu ilə işləmiş Devid iddia edilən əməliyyatların təfərrüatlarını Konqresə və kəşfiyyat agentliyinin baş müfəttişinə təhvil verdiyini bildirib.
Poliqon.info
Digərxəbərlər
Populyar xəbərlər
