Rusiyanın xarici işlər naziri ABŞ-ın Rusiya ilə birbaşa müharibədən rəsmən imtina etməsindən danışıb…
PİA.az xəbər verir ki, bu barədə Rusiyanın xarici işlər naziri Sergey Lavrov “Birinci Kanal”da yayımlanan “Böyük oyun” proqramına müsahibəsində bildirib.
“Rusiya diplomatik kanallar vasitəsilə ABŞ-dan rəsmi mesaj alıb ki, Vaşinqton Moskva ilə birbaşa döyüşməyi planlaşdırmır və istəmir”, deyə Lavrov bildirib. O, həmçinin qeyd edib ki, ABŞ Kiyevə təhvil verilən “Patriot” zenit sistemləri ilə işləmək üçün Ukraynaya öz hərbi mütəxəssislərini göndərməyəcək.
Lavrov onu da vurğulayıb ki, ABŞ-a görə, ukraynalı hərbçilər “Patriot”un texnologiyasına yiyələnənə qədər bir neçə ay vaxt keçəcək.
pia.az