Maliyyə ilinin sonuna qədər (30 sentyabr) Pentaqonun Ukraynaya yardım üçün 5,75 milyard dolları qalıb..
Poliqon xəbər verir ki, bu barədə Pentaqonun rəsmi nümayəndəsi polkovnik-leytenant Qarron Qarn məlumat verib.
“Avqustun 29-na olan məlumata görə, Ukrayna üçün PDA-nın sərəncamında təxminən 5,75 milyard dollar qalıb”, deyə polkovnik-leytenant bildirib.
Söhbət PDA (Prezident Drowdown Authority) mexanizmindən gedir - o, ABŞ prezidentinə federal mülkiyyətdən dövlət əmlakının ehtiyatlarını köçürməyə, yəni hərbi anbarlardan Ukraynaya silah göndərməyə imkan verir.
Müharibə başlayandan bəri prezident Co Baydenin administrasiyası Ukraynaya 43 milyard dollar hərbi yardım ayırıb. Avqustun əvvəlində Bayden Konqresdən Ukraynaya daha 24 milyard dollar yardım göstərməyi xahiş edib. Bu vəsaitin 13,1 milyard dolları silahlanmaya, 8,5 milyard dolları iqtisadi və humanitar yardıma, 2,3 milyard dolları isə digər donor yardım proqramlarına yönəldiləcək.
İyun ayında Pentaqon müəyyən edib ki, münaqişə zamanı Ukraynaya göndərilən hərbi yardım 6,2 milyard dollar (2023-cü maliyyə ili üçün 3,6 milyard dollar və 2022-ci maliyyə ili üçün 2,6 milyard dollar) çox qiymətləndirilib. Səhv, hesablamada köhnəlmə nəzərə alınmaqla satınalma qiymətindən deyil, Pentaqonun anbarlarında silahların dəyişdirilməsinin dəyərindən istifadə edilməsi ilə əlaqədar baş verib. Bu səhv Pentaqona Ukraynaya daha 6,2 milyard dollar ayırmağa imkan verib.
Poliqon.info