ABŞ-ın bir çox müttəfiqi Donald Trampın 2024-cü ilin payızında keçiriləcək prezident seçkilərində qalib gələ bilməsindən narahatdır...
Poliqon xəbər verir ki, Bloomberg Agentliyi bu barədə Avropa, Asiya, Afrika və Latın Amerikası hökumətlərindəki mənbələrə istinadən yazıb.
Agentliyin məlumatına görə, dünya ölkələri Trampın mümkün uğuruna "həssas, lakin təcili" hazırlaşır.
Bloomberg-in həmsöhbətləri qeyd ediblər ki, ABŞ-ın müttəfiqləri siyasətçinin "birinci Amerikadır" açıqlamalarından və NATO-dan çıxmaqla hədələməsindən, eləcə də proteksionist ticarət siyasətindən narahatdırlar.
Yüksək rütbəli diplomatlardan biri deyib ki, Avropa İttifaqının sammitlərində bəzi liderlər Trampın Ağ Evə qayıtması ehtimalı barədə danışmaqdan belə çəkinirlər, çünki bunun ehtimalının artacağını bilirlər.
Qeyd edək ki, Tramp Ayova ştatında keçirilən Respublikaçılar Partiyasının praymerizində 51% səslə qalib gəlib. Siyasətçi bu səsvermənin nəticələri ilə fəxr etdiyini bildirib.
İkinci yerdə 21,2 faiz səslə Florida qubernatoru Ron DeSantis, üçüncü yerdə isə 19,1 faiz səslə ABŞ-ın BMT-dəki keçmiş daimi nümayəndəsi və Cənubi Karolinanın eks-qubernatoru Nikki Heyli qərarlaşıb.
Poliqon.info
Digərxəbərlər
Populyar xəbərlər
