Yanvarda ABŞ-ın büdcə kəsiri keçən ilin eyni ayında 118,7 milyard dollar profisitlə müqayisədə 38,784 milyard dollar olub...
Poliqon.info xarici mətbuata əsasən xəbər verir ki, bu barədə ABŞ-ın Xəzinədarlıq Departamenti bildirib.
Hesabatda göstərilir ki, yeni maliyyə ilində büdcə gəlirləri 3,8% azalaraq 447,288 milyard dollar təşkil edib. Xərclər isə 40,3% artaraq 486,072 milyard dollara çatıb, bu, əsasən Mərkəzi Dövlətlərin Pensiya Fonduna birdəfəlik ödənişlər hesabına baş verib. Bundan əlavə, sosial müavinətlərə xərclər 12%, dövlət borcu üzrə faiz ödənişləri 18% artıb.
Bu arada, oktyabrın 1-dən başlayan 2023-cü maliyyə ilinin dörd ayı ərzində ABŞ büdcəsinin mənfi saldosu bir ilin eyni dövrü ilə müqayisədə təxminən 1,8 dəfə (77,7%) artaraq 460,2 milyard dollara çatıb.
Cari maliyyə ilinin əvvəlindən büdcəyə daxilolmaların həcmi 2,9% azalaraq 1,473 trilyon dollar təşkil edib. Xərclər 8,8% artaraq 1,933 trilyon dollara çatıb.
Xəbər verildiyi kimi, 2022-ci maliyyə ilinin sonunda ABŞ dövlət büdcəsinin mənfi saldosu iki dəfə azalaraq 1,375 trilyon dollar təşkil edib.
2020-ci maliyyə ilinin sonunda ölkədə 3,1 trilyon dollarlıq rekord kəsir qeydə alınıb. Sonuncu dəfə büdcə profisiti 2001-ci maliyyə ilində olub.
Poliqon.info
Digərxəbərlər
Populyar xəbərlər
