ABŞ fevralın 24-də Rusiyaya qarşı hansı məhdudiyyətlər tətbiq edəcək?

Poliqin.info xəbər verir ki, bu barədə Bloomberg Agentliyi məlumat yayıb. Nəşr bildirir ki, ABŞ-ın Rusiyaya qarşı yeni sanksiyaları ixraca, enerji və hərbi sənayeyə qarşı tətbiq ediləcək

Bloomberg öz mənbələrinə istinadən xəbər verir ki, fevralın 24-də ABŞ prezidenti Co Baydenin administrasiyası Rusiyaya qarşı enerji sənayesi və hərbi-sənaye kompleksini hədəf alan yeni ixrac məhdudiyyəti və yeni sanksiyalar paketi təqdim edəcək. Bəzi məhdudiyyətlər maliyyə qurumlarına və bir neçə fiziki şəxsə təsir edəcək.

ABŞ və onun müttəfiqlərinin də digər ölkələrin sanksiyalardan yayınmasının və yan keçməsinin qarşısını almağa diqqət yetirəcəyi gözlənilir. Nəşrin yazdığına görə, Avropa sanksiyalar paketi Rusiyaya pilotsuz təyyarələr və digər hərbi mallar tədarük edən İran qurumlarına, habelə Rusiya ordusunun istifadə etdiyi digər elektronika mallarının, o cümlədən texnologiya, tikinti komponentləri, zirehli maşınların ticarətinə geniş nəzarət tətbiq edəcək.

Poliqon.info